Esa Kripanik

ᐄᓴ ᓯᑭᑑᒃᑯᑦ ᕿᓂᖅᑐᖅ ᐅᔭᖅᑲᓂᒃ ᓴᓇᙳᐊᕈᑎᒋᓂᐊᖅᑕᖏᓐᓂᒃ. ᐅᔭᖅᑲᓂᒃ ᓇᒃᓴᖅᖢᓂᒋ ᑭᖑᓪᓖᑦ ᓯᕐᓗᐊᖓᓄ, ᐱᒋᐊᓕᖅᖢᓂᒋ ᓇᓄᙳᐊᓕᐅᓯᕗᖅ.

ᓯᖃᒃᑎᔾᔪᑎᒥᒃ ᐊᑐᖅᖢᓂ, ᐄᓴ ᓇᓄᙳᐊᓕᐅᖅᑐᖅ. ᐃᓕᓴᕐᓇᖅᓯᓪᓗᓂᓗ ᐅᔭᕋᐅᖅᑲᐅᑎᓪᓗᒍ. ᓄᑎᒃᓯᒪᔪᓯᐊᖅᖢᓂ ᐱᓕᕆᕙᖓ, ᐊᓱᐃᓛᒃ ᓇᓄᙳᐊᖅ ᓱᕋᒃᐳᖅ.

ᐄᓴ ᓇᓄᙳᐊᓕᐊᖓ ᓱᕋᖅᑲᐅᑎᓪᓗᒍ ᐋᖅᑭᒐᓱᓯᕙᖓ. ᐱᐊᓂᒐᓱᒃᖢᓂᐅᒃ ᓯᕐᓗᐊᕐᒥ.

ᐄᓴ ᓇᓄᙳᐊᓕᐅᖅᑐᖅ ᓱᓕ, ᓂᐅᖏᑦ, ᑮᓇᖓᓗ ᐋᖅᑭᓯᕗᖅ. ᐅᔭᕋᐅᑉ ᑕᖅᓴᖃᕐᓂᖓ ᐱᔭᕆᑐᓂᖅᓴᖅ, ᑕᖅᓴᖓᓗ ᐊᓯᔾᔨᖅᐸᓪᓕᐊᓪᓗᓂ ᑲᔪᓯᒐᒥ.

ᐄᓴ ᑲᑎᖅᓱᖅᑲᐅᔭᖏ ᓯᕗᓪᓕᖅᐹᖅ ᐃᓚᖓᓂ, ᐅᔭᖅᑲᑦ ᓇᑲᑎᖅᐸᖏ. ᐄᓴ ᓯᖃᑦᑎᕆᕗᖅ ᓯᓚᒥ, ᓇᓄᙳᐊᓕᐅᕐᓂᐊᖅᑕᖓᓂ ᐸᕐᓇᒃᐸᓪᓕᐊᓪᓗᓂᐅᒃ. ᓴᓇᕙᓪᓕᐊᓪᓗᓂᐅᒃ ᓯᖁᑦᑎᕆᔾᔪᑎᒧᑦ.

ᑕᒫᓂ ᑕᕐᕆᔮᒃᓴᒥᒃ ᐄᓴ ᓴᓇᔾᔪᑎᒥᓂᒃ ᐋᖅᑭᒃᓱᐃᔪᖅ, ᓇᓄᙳᐊᓕᐅᕐᓂᐊᖅᑎᓪᓗᒍ, ᐸᑲᒃ ᐊᒻᒪ ᓇᐃᒪᓐ ᑕᐅᑐᒃᑑᒃ. ᐄᓴ ᐊᓯᐊᓂᒃ ᓴᓇᔾᔪᑎᒥᒃ ᐊᑐᓕᖅᐳᖅ, ᓇᓄᙳᐊᒥᓂᒃ ᐱᐊᒃᓴᐃᔾᔪᑎᒥᒃ.

ᐄᓴ ᑎᑎᕋᖅᐸᓪᓕᐊᕗᖅ ᓂᕐᔪᑎᙳᐊᓕᐅᕐᓂᐊᖅᑕᒥᖕᓂᒃ, ᐱᐅᓴᐅᑎᓂᒡᓗ ᐃᓚᓯᕙᓪᓕᐊᔪᖅ. ᐃᕐᕈᖅᑐᖅᐸᖏᑦ ᓴᓇᙳᐊᓕᐊᖏᑦ, ᐸᓂᖅᓯᓕᖅᖢᓂᐅᒡᓗ. ᔨᐅᕆ, ᐄᓴ, ᐸᑲᒡᓗ ᑳᐱᑐᖅᑐᑦ ᐅᑕᖅᑭᓪᓗᑎᒃ ᐸᓂᖅᓯᕐᓂᖓᓂ.

ᐄᓴ ᐲᖅᓯᕗᖅ ᐅᔭᕋᕐᔪᐊᕈᓗᖖᒥᒃ, ᓴᓇᙳᐊᕐᓂᐊᖅᑕᒥᓂᒃ ᓱᓕ. ᑕᑯᒃᓴᐅᓚᐅᖅᑐᖅ ᑕᕐᕆᔮᒃᓴᖅ ᓯᕗᓪᓕᖅᐹᒥᒃ. ᓴᓇᒪᓂᖓᓂᒃ ᐱᓕᕆᔪᖅ ᓈᒻᒪᒋᔭᓐᕙᓂ ᐱᓇᓱᒃᑲᒥ.

ᐄᓴ, ᓇᐃᒪᓐ, ᐸᑲᒃ, ᐊᒻᒪ ᔨᐅᕆ ᐅᓂᒃᑳᖅᐸᒃᖢᑎᒃ ᑳᐱᑐᖅᑐᑦ, ᐄᓴ ᐅᑎᓚᐅᖏᓐᓂᖓᓂ ᓴᓇᙳᐊᖅᑕᖕᒐᓄᑦ. ᐅᔭᖅᑲᒧᑦ ᓴᖅᐱᖓ ᐃᓕᓴᕐᓇᖅᓯᕗᖅ, ᐄᓴᐅᑉ ᐱᓕᕆᔭᖓ.

ᐄᓴ ᑎᑎᕋᖅᐳᖅ ᐆᒪᔪᙳᐊᓕᐅᕐᓂᐊᖅᑕᒥᓂᒃ, ᓴᓇᙳᐊᓚᐅᖏᓐᓂᖓᓂᐅᒃ. ᐱᐊᒃᓴᓯᕙᖏ ᐆᒪᔪᙳᐊᑦ ᓴᓇᙳᐊᖅᑕᖏ, ᐱᐅᓯᑎᑦᑎᐊᖅᖢᓂᐅᒃ ᕿᓚᓗᒐᐅᑉ ᓴᖅᐱᖓ.