Israel Ivvalu

ᐃᔅᕆᐅᓪ ᔨᐅᕆᓗ ᐊᒃᓱᕈᖅᖢᑎᒃ ᐲᔭᐃᕗᐃ ᑎᕆᖅᓯᐅᑕᐅᒐᖃᕐᕕᒃ ᓯᑮᓲᕐᒧ, ᐃᔅᕆᐅᓪ ᐅᓂᑳᖅᐳ ᔨᐅᕆᒧᑦ ᖃᓄᖅ ᐲᔭᑎᐊᕆᐊᖃᕐᒪᖔᑕ ᐊᒻᒪ ᖃᓄᖅ ᐅᑎᖅᑎᐅᕋᒐᕆᐊᖃᕐᒪᖔᑕ, ᐊᒻᒪ ᒪᕐᕉ ᐅᖃᖃᑎᒌᒃᐳᐃ ᖃᓄᐃᒻᒪ ᐊᓯᔨᕆᐊᖃᕐᒪᖔᑕ ᐅᐱᙵᑯᑦ.

ᐃᔅᕆᐅᓪ ᔨᐅᕆᓗ ᐃᑲᔪᖅᑎᒌᒃᐳᐃ ᐊᒃᓴᓗᐅᓂ ᐲᔭᐃᓗᑎᒃ, ᐃᓗᖏᑦ ᐊᓯᔨᕐᓗᒋᑦ ᓇᖑᕐᓗᒃᐸᓕᐊᓯᒪᔪᕐᓂᑦ. ᐅᑎᖅᑎᐅᕋᖅᑕᐅᖏᑎᓗᓂ ᓱᓕ ᑕᒪᕐᒥ ᓱᑲᑎᖅᑕᐅᔭᕆᐊᖃᖅᐳᐃ.

ᑕᒪᕐᒥ ᐃᓚᖏ ᐅᑎᖅᑎᐅᕋᖅᐸᓕᐊᓗᓂᒋᑦ ᐊᒻᒪ ᑕᑯᑎᑎᓗᑎᒃ ᖃᓄᖅ ᐅᑎᖅᑎᐅᕋᕋᔭᕐᒪᖔᑕ ᑐᕐᕌᖓᑦ, ᓯᑭᑑᖅ ᐋᕿᒃᑕᐅᕗᖅ ᐃᖏᕋᔪᑕᐅᑲᓐᓂᕈᓇᖅᓯᓪᓗᓂ.

ᓯᑭᑑᖅ ᐊᖏᓂᖅᓴ ᐃᓯᖅᑎᑕᐅᒐᒥ, ᐃᔅᕆᔪᓪ ᔨᐅᕆᓗ ᐱᔭᐃᕙᓕᐊᓕᖅᐳᐃᑦ, ᐊᓯᔨᖅᓱᐃᓗᑎᒃ ᐊᔾᔨᒌᖏᑕᐃᑦ ᐃᓚᒃᓴᖏᓂᑦ ᐱᒋᐊᖑᔭᖅᖢᑎᒃ. ᐊᖏᔪᖅ ᓯᑭᑑᖅ ᐅᕿᖏᐳᖅ ᐊᒻᒪᓗ ᑭᕕᒃᓯᔪᑎᑖᕈᒪᓗᑎᒃ ᐱᓕᕆᔪᒪᓗᑎᒃ ᐊᔪᕐᓇᙱᓐᓂᖅᓴᐅᓗᓂ ᑭᕕᒃᓯᔭᕆᐊᒃᓴ ᐊᒻᒪᓗ ᐋᕿᒡᓗᓂ.

ᐊᔪᕐᓇᓈᖅᓯᕗᐃ ᐊᒃᓴᓗᐋᕐᒥᒃ ᓴᖑᖓᓗᑎᒃ, ᐃᔅᕆᐅᓪ ᐊᒋᐊᖅᐸᖏᑦ ᓈᒪᓕᖅᓯᑎᖢᓂᐅ. ᑕᐃᒻᒪ ᔩᐅᕆ ᐊᒻᒪ ᐃᔅᕆᐅᓪ ᐃᓚᒃᓴᖏᑦ ᐊᓯᔨᖅᑕᐅᕙᓕᐊᕗᐃᑦ ᓯᑭᑑᖅ ᐱᑐᐃᓐᓇᕆᐊᖃᓕᖅᐸᑦ.

ᐃᔅᕆᐅᓪ ᔨᐅᕆᓗ ᓄᑕᐅᖏᑐᕐᒥ ᓯᑭᑑᓕᕆᕗᐃ ᐃᖏᕋᔪᓃᖅᑐᕕᓂᕐᒥ, ᖃᐅᒋᓇᓱᒃᖢᑎᒃ ᐱᔪᑎᒥᓂᒃ ᖃᐅᔨᓕᖅᐳᐃᑦ ᐹᑕᓖᖓ ᑐᖁᖓᓗᓂᒃ, ᐊᒻᒪ ᐱᑲᓂᕐᒥᖕᒪᑕ, ᑖᓐᓇ ᑐᖁᖓᓪᓗᓂᒃᑕᐅ! ᓯᕐᓗᐊ ᓴᓗᒻᒪᖅᓴᖅᑕᐅᕗᖅ ᑐᖅᑯᖅᓯᓯᒪᔪᓐᓇᕐᓂᐊᕐᒪᑕ ᓄᑕᐅᙱᑦᑐᒥᒃ ᓯᑭᑑᒥᒃ ᐃᓗᐊᓂ ᐱᓕᕆᐊᕆᓂᐊᕐᓗᒍ ᖃᑯᒍᒃᑲᓐᓂᖅ. ᑕᐃᒪᓕ ᐱᖃᑖ ᓯᑭᑑᖅ ᐋᕿᒃᑕᐅᓵᑎᐊᖅᑐ ᐃᓚᒃᓴᖓ ᓱᕋᒌᖅᓗᓂ.