Travis Kunnuk

ᐃᓚᒌ ᐸᕐᓇᔪᒃᐸᓕᐊᕗᐃᑦ ᐃᖃᓕᐊᕆᐊᕐᓂᐊᕐᒪᑕ. ᐋᕿᒃᓱᐃᓗᑎᒃ ᑐᐱᕐᓂ, ᓯᑭᑑᖅ ᐊᓯᖏᓪᓗ ᐱᖁᑏᑦ ᐊᐅᓪᓚᓚᐅᖏᑎᓗᒋ ᓱᓕ.

ᓄᓇᐃᓇᕐᒥᑦ, ᑐᐲᑦ ᐋᕿᒃᑕᐅᕗᐃᑦ ᐊᒻᒪ ᑐᕌᕕᔅ ᒪᑎᑕᐅᑏᑦ ᐋᕿᒃᓱᖅᐸᖏᑦ ᐃᖃᓕᕿᓕᖅᐳ! ᑭᐅᕈᓪ ᓂᖅᖠᐅᖅᐳᑦ ᐅᓪᓗᕈᕐᒥᑕᕐᒥᑦ ᐃᓚᒌ ᑲᑎᑎᐅᕋᓕᖅᐳᐃ.

ᓄᑦᑕᖃᐃᑦ ᐱᖑᐊᖃᑎᒌᒃᐳᐃ, ᐋᓯᕚᕋᓛᕐᒥᒃ ᐅᔭᕋᕐᓂᒃ, ᐊᒻᒪ ᑭᖑᕋᓛᕐᓂᒃ ᐊᒐᖕᒥᓄᑦ ᐊᑯᖅᑕᐅᑲᑕᒃᖢᑎᒃ, ᓇᖏᑲᑕᒃᐳᐃ ᑲᒻᒫᓗᖕᒥᓂᑦ ᓂᒡᓕᓐᓇᖅᑐᒥ ᐃᒻᒪᕐᒥᑦ ᑲᖏᖅᖠᓂᕐᒥᑦ. ᐃᓚᐅᖃᑕᐅᒋᕗᒍᑦ ᒪᔅᒥᓗᓂ ᐃᒐᓪᓗᑎᒃ ᐊᒻᒪ ᐱᖑᐊᖅᖢᑎᒃ x’s ᐊᒻᒪ o’s ᒥᑦ.

ᑐᕌᕕᔅ ᐊᒻᒪ ᒫᒃ ᖃᐅᔨᓴᕆᐊᖅᐳᐃ ᒪᑎᑕᐅᑎᓂ ᐃᖃᓗᖃᕐᒪᖔᑕ ᑭᓯᐊᓂ ᑎᖕᒥᐊᕐᒥᖔᑦ ᐊᔪᖅᓯᓯᒪᔪᖃᖅᖢᓂ, ᐱᔭᕐᓂᖅᐳ ᓂᒐᕖᔭᕋᓱᒃᖢᓂ!

ᑖᓐᔭ, ᑐᕌᕕᔅ, ᒫᒃ ᑭᐅᕈᓗ ᑰᖕᒧᖓᐅᕗᐃᑦ ᐃᒻᒥᖅᑕᐅᑎᓂ ᐃᒻᒥᖅᓯᑲᓂᖅᖢᑎᒃ ᑕᐃᒪ ᑭᑯᓕᒻᒫ ᐱᔅᓯᑐᖅᑎᐊᓕᖅᖢᑎᒃ ᐊᒻᒪ ᑳᐱᒥᓪᓗ.

ᑕᕌᕕᔅ ᐸᐅᑎᖅᐳ ᑰᖕᒧᑦ, ᐱᓲᔭᓕᖅᖢᓂ ᐃᖃᓗᒃᓯᐅᖅᖢᓂ.

ᑑᕆ ᑖᓐᔭᓗ ᐋᒃᑕᐃᖃᑎᒌᒃᐳᐃ ᐃᖃᓗᖕᒥ ᒫᒃ ᐊᒥᖄᖅᑕᖅᖢᓂ ᐃᖃᓗᖕᓂ ᓴᕿᑎᕙᓕᐊᕗᑦ ᒪᑎᑕᐅᑎᒥᖔᖅᖢᓂ.

ᐃᖃᓇᐃᔭᖅᑏ ᐸᕐᓇᓕᖅᐳᐃᑦ, ᖃᒧᑏᑦ ᐃᓪᓕᓂᖅᑕᐅᓗᑎᒃ, ᕿᐲᑦ, ᑐᐲᓗᑦ ᐊᒻᒪ ᑭᓱᓕᒫᑦ ᐅᔨᖅᓱᑎᐊᖅᖢᑎᒃ ᐴᖃᓯᒪᖏᑐᐃ, ᐋᕿᒃᐳᐃᑦ ᐴᖃᐃᓕᖅᖢᑎᒡᓗ ᐊᖏᕐᕋᒧᑦ ᐃᖏᕋᓂᐊᓕᖅᖢᑎᑎᒃ.