Arsaniq Deer

ᐊᕐᓴᕐᓂᖅ ᐊᐅᓪᓚᖅᐳᖅ ᒥᕐᕆᐊᒥᖔᖅᖢᓂ ᐃᒡᓗᓕᖕᒧᑦ ᐊᐃᔭᐅᓗᓐᓂ ᒫᓂᑲᒥ. ᐊᕐᓴᕐᓂᖅ ᐊᒻᒪ ᒫᓂᑲ ᑕᕐᕆᔭᖅᐳᐃ ᐳᓈᑦ ᓴᓚᑎᓐᒥᑦ ᐱᐅᓴᑎᐊᕈᒪᒧᓐ ᒫᓂᑲᐅᑉ ᑲᑭᓂᖏᓂᑦ. ᑕᓐᓇ ᑕᕆᔮᒃᓴ ᓴᓇᔭᐅᓂᑯ 1975ᒥᑦ ᐊᑐᐊᖑᓚᐅᖅᓯᒪᔪᖅ ᐊᐱᖅᓱᖅᑕᐅᓪᓗᓂ, ᒫᓂᑲᐅᑉ ᐊᔭᐅᐱᐊᕆᓪᓗᓂᐅ. ᓲᓴᓐ ᓄᑕᐅᖏᑐᕐᓂ ᐊᔾᔨᖑᐊᕐᓂ ᓴᕿᑎᕗᖅ ᑕᒪᕐᒥ ᑲᑭᓃᖑᓗᑎᒃ, ᐅᓂᑳᖅᖢᓂ ᐊᑎᖏᓐᓂ ᑮᓇᐅᑉ ᑲᑭᓃᖏᓂᑦ.

ᓲᓴᓐ ᐊᔭᒐᖅᐳ ᐊᕐᓴᕐᓂᖅ ᑖᓐᓇ ᑲᑭᓃᖓᓐᓄ ᐸᕐᓇᒃᖢᓂ. ᐊᕐᓴᕐᓂᖅ ᒥᖁᑎᖓᓐᓂ ᐸᕐᓇᒃᑎᑎᐅᔭᖅᖢᓂ, ᓲᓴᓐ ᐸᕐᓇᔪᒃᐸᐅ ᖁᓪᓕᖓ ᐊᒻᒪ ᓲᓛ ᑏᓕᐅᖢᓂ. ᐊᕐᓴᕐᓂᖅ ᐱᑐᐃᓐᓇᕆᖃᓕᕋᒥ, ᒫᓂᑲ ᓇᖏᖅᓯᖓᓪᓗᓂ ᐅᕕᓂᖓ ᓴᓪᓗᒪᖅᓴᖅᑕᐅᕗ, ᐸᕐᓇᓕᖅᖢᑎᒃ ᑲᑭᓂᓕᕆᓂᐊᓕᖅᖢᑎᒃ ᑎᑎᕋᖅᑑᔭᖅᑐᒥ ᐃᓕᓯᓪᓗᓂ ᒫᓂᑲᐅᑉ ᑐᐃᖓᓐᓄ.

ᐊᕐᑕᕐᓂᖅ ᑲᑭᓂᓕᕆᓕᖅᐳ, ᐱᓕᕆᓕᖅᖢᓂ ᑐᑭᓕᐊᖅᑕᓐᓂ. ᒫᓂᑲ ᐅᓂᑳᖅᐳ ᓲᓴᓐᒥ ᐅᖃᓪᓚᖃᑎᒋᓚᐃᕐᓂᖓᓄ ᑮᓇᕐᓄ ᐊᒻᒪ ᑎᒻᒥᓄ ᑲᑭᓃᑦ ᐊᑐᖅᑕᐅᖃᑕᕐᓂᖏᑦ. ᒫᓂᑲ ᐅᖃᓪᓚᒃᐳᖅ ᖃᓄᖅ ᑲᑭᓂᖓᑦ ᐃᒥᓅᖓᖕᒪᖔᑕ, ᖃᓄᖅ ᐃᓚᖓᓅᕐᒪᖔᑕ ᐊᒻᒪ ᐃᒻᒥᓂᐅᖓᖕᒪᖔᑕ, ᑲᔪᓯᑎᖢᓂᐅ ᐃᓪᓚᖓᓄᑦ ᑲᑭᓃᑦ ᐱᐅᓴᐅᑎᖏᑦ. ᓲᓴᓐ ᐅᓂᑳᖅᐳ ᐊᕐᓴᕐᓂᖅ ᑲᑭᓂᓕᕆᓗᓂᑦ.

ᐊᕐᓴᕐᓂᖅ ᐱᕙᒌᔭᖅᐸᖏᑦ ᓴᓇᕈᑎᖏᑦ ᑲᑭᓂᓕᕆᓂᐊᓕᕐᓂᖓᓄ ᑎᑎᕋᐅᔭᓯᒋᐊᖏᓂᕐᓂ ᐊᒻᒪ ᑲᑭᓂᓕᕆᓂᐊᓕᖅᖢᓂ ᐱᐅᓴᐅᑎᓂᑦ ᒫᓂᑲᐅᑉ ᑐᐃᖓᓄᑦ.

ᑕᓐᓇ ᐱᒋᐊᖅᐳ ᓲᓴᓐ ᐅᓂᑳᖅᖢᓂ ᐃᒡᓗᕋᓛᑉ ᒥᒃᓵᓄᑦ ᐃᓂᖃᖢᓂ ᐃᖃᐅᒪᕗᖅ ᑕᑯᓚᐅᖅᓯᒪᓂᖓᓄ ᐋᕐᓗᖕᒥᑦ ᓵᑎᐊᖓᓂ ᓄᑕᕋᐅᑎᓗᒍᑦ, ᐊᕐᓴᕐᓂᖅ ᐸᕐᓇᒃᑎᓗᒍᑦ. ᐊᕐᓴᕐᓂᖅ ᑎᑎᖅᐸᓕᐊᓕᖅᐳᖅ ᑎᑎᖅᑑᔭᖓᓄᑦ, ᓲᓴᓐ ᓂᐱᖃᖏᐅᔭᖅᖢᓂ ᐃᒡᓗᕋᓛᑉ ᐃᖏᑲᑕᒃᖢᓂ ᒫᑎᓚᓐ ᐃᕙᓘᑉ ᐃᓕᓂᐊᖅᑎᓚᐅᖅᑕᒥᖕᓂ ᐊᒻᒪ ᐅᓂᑳᑲᑕᒃᖢᓂ ᓂᐅᑎᓯᒪᓕᖅᑐᖅ ᐊᕐᕌᒍᒐᓴᖕᓂ

ᐊᕐᓴᕐᓂᖅ ᐱᓕᕆᐅᔭᖅᖢᓂ ᒫᓂᑲᐅᑉ ᑕᓕᖓᓂ, ᐃᓪᓕᖅᓱᐃᑲᓂᖅᖢᓂ ᑲᑭᓃᖓᓄᑦ ᐱᐅᓴᐅᑎᖓᓄᑦ, ᑖᑯᐊ ᐊᕐᓇᐃᑦ ᐅᖃᓪᓚᒃᐳᐃᑦ ᐊᔨᐅᖏᓂᕐᓂᑦ ᐅᖃᐅᓯᖅᑕᕐᓂᑦ ᐅᖃᐅᓰᑦ ᑐᑭᖏᑦ ᓄᓇᕗᓕᒫᒥ. ᐅᕐᓴᕐᓂᖅ ᐅᖃᐅᓯᖃᖃᑕᐅᕗᖅ ᓯᕗᓕᖅᐹᓂᑦ ᑲᑭᓂᓕᕆᕙᓚᐅᖅᑕᖏᓂ ᐊᒻᒪᓗ ᖁᕕᐊᒌᓇᖅᑕᖓ ᐋᓂᕐᓇᕆᒐᓗᐊᖅᖢᓂᐅ ᑎᒥᑯᑦ. ᓲᓴᓐ ᓂᕆᕕᒡᔪᐊᕐᓂᐊᖅᑕᖏᓂ ᓂᕿᓪᓚᑖᕐᒥᑦ ᐊᕐᓴᕐᓂᖅ ᐱᓕᕆᑎᓗᒍᑦ ᑕᐃᒪ ᓂᕆᕙᓕᐊᓕᖅᐳᐃᑦ.

ᐊᐅᓪᓚᖃᑎᒋᕙᕗᑦ ᓲᓴᓐ ᓴᖃᓕᐊᓯᐅᑉ ᐃᒡᓗᕋᓛᖓᓄᑦ ᑕᐃᑲᓂ ᐃᓕᓂᐊᖅᑎᐸᐅ ᒫᓂᑲ ᖁᓪᓕᕐᒥ ᐃᑯᒻᒪᒃᓯᓗᓂᒃ. ᐊᕐᓴᕐᓂᖅ ᐱᐅᓴᐃᑲᓐᓂᖅᐳᖅ ᑲᑭᓂᓕᕆᓂᐊᖅᑕᖓᓂ ᐃᖏᓚᐅᖏᑎᓪᓗᓂ ᓱᓕ ᓲᓴᓐᒥ ᐱᖃᑎᒌᓚᐅᑲᒃᐳᐃ ᐃᓚᒌᖕᓂ ᐊᒻᒪ ᓯᐅᑎᕈᑏᖏᓂ ᐅᖃᐅᓯᖃᖅᖢᑎᒃ.

ᐊᕐᓴᕐᓂᖅ ᑲᔪᓯᕗᖅ ᑲᑭᓃᑦ ᐱᐅᓴᐅᑎᖓᓂ ᒫᓂᑲᐅᑉ ᑕᓕᖓᓂᑦ ᓲᓴᓐ ᑖᓐᓇ ᑭᓇᓕᒫᕐᒧᑦ ᐅᓂᑳᖅᖢᓂ. ᓲᓴᓐ ᐃᖏᐅᔭᖅᖢᓂ ᐊᕐᓴᕐᓂᖅ ᐱᒋᐊᖅᖢᓂ ᒫᓂᑲᐅᑉ ᑮᓇᑯᑦ ᑲᑭᓂᖓᓂᑦ.