Susan Avingaq

ᓲᓴᓐ ᐊᒃᑕᕐᕕᖖᒥ ᕿᔪᓯᐅᖅᑐᖅᐃᓄᙳᐊᓕᐅᕈᑎᒋᓂᐊᖅᑕᖓᓂ. ᖃᕐᒪᒧᑦ ᐅᑎᖅᑎᓪᓗᒍ ᐃᑯᒻᒪᒃᑎᑦᑎᔪᖅ ᖁᓪᓕᕐᒥᒃ.

ᓲᓴᓐ ᐊᒻᒪ ᓕᐅᓂ ᓴᓇᙳᐊᖅᑑᒃ ᐃᓄᙳᐊᓕᐅᖅᖢᑎᒃ ᕿᔪᖖᒥ. ᑑᕆ ᐃᓕᓐᓂᐊᖅᑐᖅ ᑕᐅᑐᒃᖢᓂ, ᓲᓴᓐ, ᓕᐅᓂᓗ ᐅᓂᒃᑳᖅᖢᑎᒃ ᐃᓄᙳᐊᓕᐅᖅᐸᓚᐅᖅᑕᒥᓂᒃ, ᐱᙳᐊᕐᓂᕆᕙᓚᐅᖅᑕᖏᓐᓂᓗ ᒥᑭᔫᑎᓪᓗᒋ.

ᓲᓴᓐ ᕿᔪᒥᒃ ᓴᓇᙳᐊᖅᑐᖅ. ᑑᕆᓗ ᐱᐊᒃᓴᐃᔪᖅ. ᐃᓄᙳᐊᑉ ᐊᓐᓄᕌᒃᓴᖕᒐᓂ ᑐᒃᑐᖁᑎᒥᒃ ᓇᑲᑎᕆᔪᓪᓗ ᐅᓗᒧᑦ.

ᓲᓴᓐ, ᒪᐅᓯ, ᑑᕆᓗ ᑲᑎᑦᑐᑦ ᑐᒃᑐᖁᑎᒥᒃ ᒥᖅᓱᕐᓂᕐᒥᒃ ᐃᓕᓐᓂᐊᖅᖢᑎᒃ, ᐃᓄᙳᐊᑉ ᐊᓐᓄᕌᒃᓴᕆᓂᐊᖅᑕᒥᓂᒃ.

ᓲᓴᓐ, ᒪᐅᓯ, ᑑᕆᓗ ᑲᑎᙵᔪᑦ ᐱᓕᕆᓪᓗᑎᒃ, ᒥᖅᓱᖅᑐᑦ ᐃᓄᙳᐊᑉ ᐊᓐᓄᕌᒃᓴᕆᓂᐊᖅᑕᖏᓐᓂ ᑐᒃᑑᑉ ᐊᒥᕋᖓᓂ. ᐅᓪᓗᒥ, ᔭᐸᒃᓴᓕᐅᖅᑐᑦ ᐃᓄᙳᐊᓄᑦ, ᓲᓴᓐ ᖃᐅᔨᒪᔭᒥᓂᒃ ᔭᐸᓕᐅᖅᐸᓚᐅᕐᒪᑦ ᐃᓕᓐᓂᐊᖅᑎᑦᑎᕗᖅ.

ᓲᓴᓐ, ᒪᐅᓯ, ᑑᕆᓗ ᓱᓕ ᐱᓕᕆᔪᑦ, ᑐᒃᑐᖁᑎᒥ ᐃᓄᙳᐊᓄᑦ ᐊᓐᓄᕌᒃᓴᐅᓂᐊᖅᑐᓂᒃ. ᓲᓴᓐᓗ ᓇᑲᑎᕆᓪᓗᓂ ᐃᓄᙳᐊᓄᑦ ᐊᓐᓄᕌᒃᓴᐅᓂᐊᖅᑐᓂᒃ.

ᓲᓴᓐ, ᒪᐅᓯ, ᑑᕆᓗ ᐱᐊᓂᒃᓯᑎᓪᓗᒋᑦ ᐃᓄᙳᐊᑦ ᐊᓐᓄᕌᖏᓐᓂ. ᑲᑐᑎᓪᓗᑎᒡᓗ ᐃᒡᓗᙳᐊᓕᐅᖅᑐᑦ ᕿᑐᑦᑐᒐᐅᔭᓄᑦ. ᐃᒡᓕᒃᓴᓕᐅᖅᑐᑦ, ᓵᒃᓴᖏᓐᓂᒃ, ᓴᓂᐅᑎᒥᒡᓘᓐᓃᑦ.

ᓲᓴᓐ ᐊᒻᒪ ᓕᐅᓂ ᐃᓅᔭᓕᐅᖅᑐᑦ, ᖁᓪᓕᖃᖅᖢᑎᒃ. ᖃᐅᒻᒪᒃᓴᐃᕙᒃᖢᑎᒡᓗ ᖁᓪᓕᕐᒥᒃ ᖃᕐᒪᐅ ᐃᓗᐊᓂ, ᕿᔪᐊᕐᔪᐃᑦ ᐃᓄᙳᐊᓕᐊᑦ ᐃᓕᓴᕐᓇᖅᓯᓪᓗᑎᒃ.

ᓲᓴᓐ ᐊᒻᒪ ᓕᐅᓂ ᐱᔭᕇᓯᔪᑦ, ᐃᒡᓗᙳᐊᓕᐅᓕᖅᖢᑎᒃ ᐃᒡᓕᖃᖅᑐᖅ, ᓵᖃᒻᒪᕆᒃᖢᓂ. ᐃᓐᓇᕐᓂᒃ ᐅᐸᒃᑕᐅᑎᓪᓗᒍ ᔫᓯᕖᓐ, ᔪᓕᐊ, ᑎᕇᓯᓗ ᐃᖏᖦᖢᑎᒃ ᐅᓂᒃᑳᖅᑐᑦ ᖃᐅᔨᒪᔭᒥᖕᓂ, ᐃᓄᙳᐊᓂᒡᓗ ᑕᐅᑐᒃᑐᑦ ᐊᓐᓄᕌᖏᓐᓂᒃ, ᐃᒡᓗᖏᓐᓂᓗ.

ᐃᓐᓇᕆᔭᕗᑦ ᔫᓯᕖᓐ, ᔪᓕᐊ ᐊᒻᒪ ᑎᕇᓯ ᐃᓚᐅᔪᑦ ᓲᓴᓐ, ᑑᕆ, ᓕᐅᓂᓗ ᖁᕕᐊᓱᒃᖢᑎᒃ ᐃᓄᙳᐊᓕᕆᔪᑦ. ᐃᒡᓗᖃᖅᖢᑎᒃ, ᑭᓱᑯᓘᔭᖃᖅᖢᑎᒃ ᐊᑐᖅᓯᒪᔪᓂ. ᐊᓐᓄᕌᑲᑦᑎᐊᓕᖅᖢᑎᒃ ᐃᓅᔭᖏ, ᓄᑕᕋᓛᑐᑦ ᐊᒃᑎᒋᔪᑦ. ᐱᔭᕇᕐᒪᑕᓗ ᓂᕆᔪᑦ, ᐅᓗᖖᒧ ᐃᖃᓗᒃᑐᖅᖢᑎᒃ, ᑏᑐᖅᖢᑎᒡᓗ ᐅᓂᒃᑳᖅᐸᒃᖢᑎᒃ.