Arsaniq And Monica

ᒫᓂᑲ ᐸᕐᓇᒃᐳᖅ ᒪᓐᑐᐃᔮᓪᒧᑦ, ᐊᓐᓄᕌᖏᑦ ᐴᖃᖅᐸᖏᑦ, ᐊᒻᒪ ᐊᐅᓪᓗᓕᕆᓗᓂ ᓯᕗᓕᖅᐹᒥᑦ ᐃᖃᓗᖕᓄᑦ ᐊᒻᒪ ᐋᑐᕚᒧᓗ ᑕᐃᒪ. ᒫᓂᑲᐅᑉ ᓯᕗᓕᖅᐹᒋᓂᐊᖅᐸᐅ ᒪᓐᑐᐃᔮᓪᒧᑦ.

ᒫᓂᑲ ᑎᑭᐅᑎᕗᖅ ᒪᓐᑐᐃᔮᓪᒧᑦ ᑕᐃᒪ ᐳᓛᕆᐊᓕᖅᖢᓂ ᐊᕐᓴᕐᓂᖅᒧᑦ ᓴᓇᔨᐅᓂᕐᒧᑦ ᐊᒻᒪ ᐱᖓᓈᐱᓗᓂᐅᓗᑦ ᓃᕕᓗ. ᓂᕆᖃᑎᒌᒃᐳᐃ, ᐱᕈᖅᑐᕕᓂᕐᓂ, ᓂᕿᓪᓚᑖᕐᓂᓗ, ᐱᕙᒌᔭᖅᐳᐃᑦ ᑲᑭᓂᓕᐊᕆᓂᐊᖅᑕᖓᓂ.

ᐊᕐᓴᕐᓂᖅ ᓃᕕᓗ ᑎᑎᕋᐅᔭᖄᖅᐳᐃ ᒫᓂᑲᐅᑉ ᓂᐅᖓᑕ ᑲᑭᓂᒋᓂᐊᖅᑕᖓᓂ ᐱᓕᕆᓚᐅᖏᑎᓗᒋᑦ. ᒫᓂᑲ ᓇᓪᓚᖅᐳᖅ ᐃᒃᓯᕙᐅᑕᕐᒧᑦ, ᓃᕕ ᑖᓐᓇ ᓵᑎᐊᖓᓂ ᐃᒃᓯᕚᖅᖢᓂ ᑕᐅᑑᔭᖅᖢᓂ ᐊᕐᓴᕐᓂᖅ ᑲᑭᓂᓕᖅᐸᐅ ᖁᐊᒡᔪᐊᖅᓯᒪᔪᕐᒥ ᒫᓂᑲᐅᑉ ᓂᐅᖓᒍᑦ.

ᐊᕐᓴᕐᓂᖅ ᑲᑭᓂᓕᖅᐸᐅ ᒫᓂᑲᐅᑉ ᓂᐅᖓᑕ ᐃᒡᓗᐊᑉ ᐊᔾᔨᖓᓂ. ᒫᓂᑲ ᐅᓂᑳᖅᐳ ᐊᖑᓇᓱᓚᐅᖅᓯᒪᓂᖓᓂ ᑐᒃᑐᒥ ᓇᑎᕐᓂᓗ ᖃᑕᖑᑎᖏᓗ ᐋᓂᐊᓗᐊᖅᑕᐃᓕᒪᓇᓱᒧᑦ.

ᑲᔪᓯᓗᓂᐅ ᑲᑭᓂᓕᐊᕆᓚᐅᖅᓯᒪᔭᖏᑦ ᒫᓂᑲᐅᑉ ᑕᓕᖓᓂ ᐊᕐᓴᕐᓂᐅᑉ ᐱᒋᐊᓚᐅᖅᓯᒪᔭᖓᓂ ᐃᒡᓗᓕᖕᒥᑦ ᐊᒐᐅᑎᖓᓄᓗᒃᑖ ᑎᑭᐅᑎᓪᓗᓂ.

ᒫᓂᑲ ᐊᕐᓴᕐᓂᖅᓗ ᐸᕐᓇᐃᕗᑦ ᓇᒧᕋᔭᕐᒪᖔᑕ ᑮᓇᖓᓄ ᑲᑭᓃ, ᐊᓯᔨᖅᑕᑲᑕᐃᓇᖅᖢᑎᒃ ᐊᖏᓂᖓ ᐊᒻᒪ ᐃᓂᖓᓘᓃ ᐊᒥᓱᐃᖅᓱᖅᖢᑎᒡᓗ ᐋᕿᑎᐊᖏᓂᕐᓂ. ᒫᓂᑲ ᓇᓪᓚᖅᐳ ᐃᒃᓯᕙᐅᑕᕐᒧ ᐊᕐᓴᕐᓂᖅ ᑖᓇ ᑲᑭᓃᖓᓂ ᐱᓕᕆᓪᓗᓂ. ᐱᐊᓂᒃᐳᑦ ᐅᓪᓗᓗᒃᑖ ᑎᑎᕋᐅᔭᖅᖢᑎᒃ ᑕᐃᒪ ᒫᒃ ᑮᓇᖓᒍ ᑲᑭᓂᓕᕆᔭᐅᓕᖅᐳᖅ.