Isuma Slow Tv
ᐃᒡᓗᓕᒃ, 4 parts190 min
ᐊᔪᕈᓐᓃᖅᓴᖅ ᕿᒧᒃᓯᕐᓂᕐᒥᑦ
ᒪᓕᑲᑕᒃᐸᕗᑦ ᕿᓕᖅᑎ ᐸᕐᓇᔫᔭᖅᖢᑎᒃ ᕿᒧᒃᓯᖅᑎᖏᑦ ᐸᕐᓇᖃᑎᒋᓕᖅᖢᓂᒋᑦ, ᓇᐃᒪᒃ ᐃᒃᓯᕚᑲᑎᒋᓗᑎᕗᑦ ᖃᒧᑎᑯᑦ ᐃᖏᕋᓯᓕᓵᖅᖢᑎᒃ ᐊᐳᑎᑐᑦ. ᑕᐅᑐᒃᖢᑎᕗᑦ ᕿᒻᒧᒃᓯᖅᑎᖏᑦ ᐃᑲᔪᖅᑎᒌᒃᖢᑎᒃ, ᖃᖃᐅᑉ ᖄᖓᒍᑦ ᒪᐅᑰᖅᖢᑎᒡᓗ, ᐊᖏᕋᖏᓂᕐᓂ ᐃᐲᖅᑕᐅᓗᑎᒡᓗ ᐊᒻᒪ ᓂᕆᑎᑕᐅᓗᑎᒡᓗ.
Watch
ᕿᓕᖅᑎ ᐃᓴᒋᓗᓂᐅ ᐊᓄᖏ ᐃᓕᐅᖃᖅᐸᖏ ᑐᑭᓕᕇᒃᓯᑎᖢᓂᒋᑦ ᖃᒧᑎᐅᑉ ᓯᕗᓂᐊᒐᑦ, ᐃᐱᖏᖢᓂᒋ ᓱᓕ ᕿᒻᒦᑦ ᐊᓄᖏᓂᑦ ᐊᑕᐅᓯᐊᖅᐸᓕᐊᓗᓂᒋᑦ. ᕿᒻᒦᑦ ᕿᒋᖅᑕᖅᐳᐃᑦ ᒧᒍᓛᖅᖢᑎᒡᓗ ᖁᕕᐊᑕᓗᐅᕐᓂᑯᒧᑦ ᐃᐱᖅᑕᐅᓂᐊᓕᕐᓂᖏᓄᑦ ᐱᒋᐊᕐᓂᐊᓕᕐᓂᖏᓄᑦ. ᐅᑎᖅᓯᒪᓕᕐᒥᖕᒪᑕ ᐅᓚᒃᑎᑕᐅᕌᓂᓵᖅᖢᑎᒃ, ᕿᓕᖅᑎᐅᑉ ᐃᐲᖅᐸᓕᐅᓕᖅᐸᖏᑦ ᐅᑎᖅᑎᐅᕋᖅᐸᓕᐅᓕᖅᖢᓂᒋᓗ ᐃᐱᐅᑕᖏᓄᑦ ᑕᐃᒪ ᓂᕆᑎᐸᓕᐊᓂᖅᖢᓂᒋᑦ ᕿᒻᒦᑦ.
ᕿᓕᖅᑎ ᒪᓕᒃᐸᕗᑦ ᐊᖏᕋᖓᓄᑦ, ᑕᐅᓄᖓ ᓯᑯᒧ ᕿᒻᒥᖏ ᐸᕐᓇᔪᒃᑎᐸᓕᐊᓕᖅᖢᓂᒋᑦ. ᕿᒦᑦ ᐊᑕᐅᓯᐊᖅᖢᒋᑦ ᐃᐱᖅᑕᐅᕙᓕᐊᓗᓂᑦ ᐊᐅᓚᖏᓂᕐᓂᑦ. ᖃᒧᑎᐅ ᓴᓂᕌᒍᑦ ᐃᖑᕋᕗᒍᑦ, ᐊᐳᑎ ᐊᖁᓵᖅᐸᓕᐊᖑᔭᖅᖢᑎᕗᑦ ᕿᒦ ᑖᓇ ᐃᑲᔪᖅᑎ ᒌᒃᖢᑎ ᖃᒧᑎᒥ ᑲᓕᑎᕗᐃᑦ.
ᐊᐅᓚᖃᑎᒋᕙᕗᑦ ᕿᑭᖅᑳᕐᔪᖕᒧᑦ, ᕿᒻᒦᑦ ᐊᒃᓱᕈᖅᖢᑎᒃ ᖃᒧᑎᒥ ᐅᓂᐊᖅᓯᓗᑎᒃ ᖃᒧᑎᒥᑦ ᖃᖃᐅᑉ ᖄᖓᒍᑦ ᒪᓂᕋᐅᖏᑐᑯᓪᓗ. ᐊᐅᓚᖅᖢᑎᒃ ᒪᐅᔭᑯᑦ, ᐅᑎᖅᓯᒪᓕᕐᒪᑕ ᕿᒻᒥᖏ ᑕᖃᖓᐅᔭᓕᖅᕈᐳᐃᑦ, ᓂᐱᖃᕈᓂᖅᐸᐃ, ᕿᓕᖅᑐᐅᑉ ᐃᐱᓕᖅᐸᖏ.
ᐊᐅᓚᖅᑎᓗᒋᑦ, ᕿᓕᖅᑎ ᑕᐅᑐᒃᐸᕗᑦ ᕿᒥᐅᑉ ᐊᓄᖏᑦ ᐃᓚᐃᖅᖢᓂᒋᑦ ᖃᒧᑎ ᐅᓂᐊᖅᑕᐅᖑᔭᖅᖢᓂ, ᓄᓱᒃᑕᐅᓕᖅᖢᑎᒃ ᖃᓂᒡᓕᓗᑎᒃ ᑐᑭᓕᕆᖓᓄᑦ. ᐃᑲᔪᖅᑎᒌᒃᖢᑎᒃ ᕿᒦᑦ ᒪᓂᕋᕐᒥᑦ ᖄᖓᒍ, ᐊᐳᑎᑯᑦ, ᓇᐅᑯᑐᐃᓇ ᕿᓕᖅᑎᐅᑉ ᑕᑭᒧᐊᖅᑎᖢᓂᒋᑦ.