Jerry Iyyiraq

ᔨᐅᕆ ᐊᒻᒪ ᐸᑲᒃ ᐅᒥᐊᙵᕕᓂᖅᓯᐅᖅᑐᑦ ᐃᔾᔪᐊᕈᑎᒃᓴᖏᓐᓂᒃ. ᓇᓂᓯᖏᖦᖢᑎᒃ ᐅᑎᖅᐳᑦ ᑭᖑᓪᓖᒃᑯᑦ ᓯᕐᓗᐊᖓᓄᑦ, ᐅᒥᐊᙵᓕᐅᕋᓱᓯᕗᑦ. ᐄᓯ ᑳᓗᑎ ᖃᐅᔪᓄᓴᓕᖅᐳᐃᑦ ᖃᓄ ᐊᑲᐅᓇᔭᕐᒪᖔᑦ ᓇᑲᑕᕆᐊ.

ᔨᐅᕆ, ᐸᑲᒃ ᐊᒻᒪ ᓇᐃᒪᓐ ᐱᒋᐊᒃᑲᓐᓂᕋᓱᓯᕗᑦ ᑕᒃᖠᒋᐊᖅᓯᔪᒪᓪᓗᑎᒃ. ᐊᒥᖅᑳᖅᖢᑎᒃ ᓇᑲᑎᕆᔪᑦ, ᓴᓗᒻᒪᖅᓴᐃᕌᓂᖖᒪᑕᓗ ᐊᖏᕐᕋᐅᕙᓪᓕᐊᕗᑦ.

ᔨᐅᕆ, ᐸᑲᒃ ᐊᒻᒪ ᐄᓴ ᐅᒥᐊᙵᕐᒥᒃ ᐱᐅᓴᐃᔪᑦ, ᕿᑐᑦᑐᒐᐅᔭᕐᒥ ᐆᒃᑑᑎᖃᖅᖢᑎᒃ, ᐅᒥᐊᙵᐅᑉ ᐊᑖ ᐱᐊᓂᓯᕗᖅ. ᐆᒃᑐᖅᐸᒃᖢᑎ. ᐸᑲᒃ ᐊᒻᒪ ᐄᓴ ᐃᖏLᑕ ᑏᑕᓕᖅᐳᐃᑦ ᐅᖃᓗᒡᕕᖕᒥ ᓈᓚᓕᖅᖤᑎᒃ

ᔨᐅᕆ, ᐸᑲᒃ, ᓇᐃᒪᓐ ᐊᒻᒪ ᐄᓴ ᐅᒥᐊᙵᓕᕆᔪᑦ ᓈᒻᒪᒃᓯᑎᑦᑎᓇᓱᒃᖢᑎᒃ, ᐃᒡᓗᒌᒃᑎᑦᑎᓇᓱᒃᐳᑦ. ᐅᒥᐊᙵᖅ ᐱᕙᓪᓕᐊᓕᕋᒥ ᐱᐅᓯᓯᕗᖅ.

ᐊᒥᖅᑳᖅᖢᑎᒃ ᔨᐅᕆ, ᐸᑲᒃ, ᓇᐃᒪᓐᓗ ᑭᓪᓗᖅᑐᑦ ᑎᓯᔪᒻᒪᕆᖕᒥᒃ ᐸᓂᖅᓯᒪᔪᒥ ᕿᔪᖕᓂᑦ , ᓴᓇᓪᓗᑎ ᐅᒥᐊᙵᐅᑉ ᓯᕗᓂᒃᓴᕆᓂᐊᑦᑕᖓᓂᒃ.

ᑭᓪᓗᕇᕐᒥᖕᒪᑕ ᐅᒥᐊᙵᒃᓴᒧᑦ ᔨᐅᕆ ᐸᑲᒡᓗ ᓂᐅᙵᒃᓴᐃᕗᑦ ᐅᒥᐊᙵᒃᓴᐅᑉ ᓇᑎᒃᓴᖓᓂᒃ. ᐱᓕᕆᖃᑎᒌᒃᖢᑎᒃ, ᐸᑲᒃ ᕿᔪᖏᒥ ᓄᖅᑲᖔᖅᑎᑦᑎᓪᓗᓂ ᑕᒃᓱᒥᖓ ᔨᐅᕆᐅᑉ ᐅᐊᔭᒨᕐᑐᕐᒧᑦ ᑭᓪᓘᑎᓄᒃ ᑭᓪᓗᖅᐸᓪᓕᐊᓪᓗᓂᐅᒃ. ᓯᒥᒃᑐᐃᕗᑦ ᐅᒥᐊᙵᒃᓴᕐᒥᒃ ᐃᒻᒥᔭᒍᓐᓃᔾᔭᐃᖅᖢᓂᒡᔪᒃ. ᐸᑲᒃ ᔨᐅᕆᓗ ᑳᐱᑑᖅᑐ ᑕᖃᐃᖅᓯᓚᐅᑲᒃᖢᑎ ᐅᓂᒃᑳᖑᔭᖅᖢᑎᓗᒃ ᑐᒃᑐᓕᐊᕐᓂᕐᒥᒃ ᐱᖅᓯᖅᑎᓪᓗᒍ.

ᓴᖅᑲᓕᐊᓯ ᓇᑖᖅᓗ ᑕᑯᔭᖅᑐᖅᓯᒪᕗᑦ ᐅᒥᐊᙵᓕᐅᖅᑕᐅᔪᑉ ᐱᙳᖅᐸᓪᓕᐊᓂᖓᓂᒃ, ᖃᐅᔨᒪᔭᒥᖕᓂᓪᓗ ᖃᐅᔨᒃᑲᐃᓪᓗᑎᒃ. ᐊᖑᑏᑦ ᐱᔭᕆᐊᑐᓈᖅᓯᕗᑦ. ᐱᓕᕆᖃᑎᒌᒃᖢᑎᒃ, ᑕᓪᓕᒪᑦ ᑖᒃᑯᐊ ᐃᓱᒪᒃᓴᖅᓯᐅᓕᖅᐳᑦ ᖃᓄᖅ ᐱᓕᕆᔭᕆᐊᖃᕐᓂᐊᕐᒪᖔᑦ ᐅᒥᐊᙵᒃᓴᕐᒥᑦ.

ᐅᒥᐊᖓᐃᑦ ᐊᔪᕐᓇᕈᔪᖕᒪᑕ, ᔨᐅᕆ ᐸᑲᒃᓗ ᐅᔨᖅᓱᑎᐊᖅᖢᑎᒃ ᐆᒃᑐᕋᖅᓯᕗᐃᑦ ᕿᔪᐊᕐᔪᖕᒥᑦ, ᑕᒪᕐᒥ ᓈᖕᒪᑦᑎᐊᕋᓗᐊᕐᒪᖔᑦ. ᐊᒃᓱᕈᖅᖢᑎᒃ ᐱᓕᕆᐊᓂᖕᒪᑕ ᐅᒥᐊᖓᐅᑉ ᓴᓂᕌᓂᒃ, ᐸᑲᒃ ᓇᐃᒪᓐᓗ ᐃᖏᖦᖢᑎᒃ ᑏᑐᓕᖅᐳᐃᑦ ᐊᒻᒪᒪᑲᑕᔮᖅᑐᖅᖢᑎᒡᓗ.

ᔨᐅᕆ ᐸᑲᒃᓗ ᐊᕿᒃᓱᖅᐸᓕᐊᓕᖅᖢᓂᔾᔪᒃ ᐅᒻᒥᐊᙵᓕᐊᕆᔭᓂᒃ ᐃᓕᓯᓪᓗᑎ ᕿᔪᐋᕐᔪᖕᒥᓐ ᓴᓂᕌᒍᑦ ᓂᐱᑎᐅᕋᐃᓪᓗᑎᒃ ᐊᖕᒪᔪᑦᓂ ᑕᑯᔭᕌᖓᒥ. ᔨᐅᕆ ᑐᓴᕐᓈᓕᖅᐳᖅ, ᐸᑲᐅᑉ ᖃᐃᖅᑲᒃᓴᖢᓂᐅᑉ ᑕᒪᐃᓐᓂᒃ ᐊᒥᐊᕆᓯᒋᐊᓚᐅᖏᓐᓂᖏᓐᓂᒃ ᑕᒃᓱᒥᖓ ᐅᒥᐊᙵᕐᒥᒃ ᑐᖑᔪᑦᑎᐊᕙᒃᑐᒥ.

ᓴᖅᑲᓕᐊᓯ, ᔨᐅᕆ, ᓇᑖᖅ ᐊᓯᖏᓪᓗ ᐅᒻᒥᐊᙵᕐᒥᒃ ᐊᐅᓪᓚᕈᔾᔨᕗᑦ ᓯᑭᑑᒃᑯᑦ ᓯᓐᓈᓄ. ᔨᐅᕆ ᓇᑖᖅᓗ ᐊᑦᑐᓂ ᓯᓐᓈᓄᖓᔾᔨᕗᑦ ᐅᒥᐊᖓᕐᒥᒃ ᓄᑖᓂᒃ, ᑯᑐᖏᑦᑎᐊᖅᑐᑦ! ᓴᖅᑲᓕᐊᓯ ᖁᑭᖅᓯᓪᓗᓂ ᓇᑎᕐᒥᒃ ᓇᑖᖅᓗ ᐸᐅᑎᖅᖢᓂ ᓇᑎᕐᒥ ᐊᐃᒃᖠᖅᐳᖅ, ᑲᓕᖦᖢᓂᐅᒃ ᑐᖑᔪᒃᑐᒧᑦ ᐅᒥᐊᙵᕐᒧᑦ, ᐅᑎᒧᑦ ᓯᓈᓄᑦ.